سياسة الخصوصية

آخر تحديث 2026-09-06

شنو نجمع

معلومات الحساب: اسمك، اسم المستخدم، رقم هاتفك، وكلمة مرور مشفّرة. إحنا ما نخزّن كلمة مرورك كنص — نخزّن تشفيراً لها ما نقدر نرجّعه.

معلومات الطلب: اسم المستلم، رقم الهاتف، والعنوان الكامل. هذي محفوظة مع كل طلب حتى لو غيّرتها لاحقاً بحسابك.

معلومات الدفع: رقم مرجع العملية ورقم المحفظة عند الدفع الإلكتروني. ما نشوف ولا نخزّن أرقام بطاقات أو كلمات مرور المحافظ.

معلومات تقنية: عنوان الـ IP ونوع المتصفح عند تسجيل الدخول أو تنفيذ عمليات مهمة، لأغراض الأمان وكشف الاحتيال.

ما تبحث عنه بالموقع، بدون ربطه بحسابك — نستخدمه لتحسين نتائج البحث فقط.

لتنفيذ طلبك وتوصيله والتواصل وياك بخصوصه.

لحفظ سجل مشترياتك حتى تقدر تراجعه وتقيّم القطع اللي اشتريتها.

لحماية الحسابات من الاختراق ولكشف محاولات الاحتيال.

للمحاسبة — سجلات الطلبات والدفعات نحتفظ بيها كسجل مالي.

إذا وافقت عند التسجيل، ممكن نستخدم رقم هاتفك لإرسال عروض وإعلانات عن منتجاتنا — عبر الرسائل النصية (SMS)، أو واتساب، أو إشعارات زين كاش.

هذي موافقة منفصلة واختيارية تماماً — تقدر تسجّل وتشتري بدونها، وما راح يتغيّر أي شي بخدمتك.

تقدر تسحب موافقتك بأي وقت من صفحة حسابك، ويتوقف الإرسال فوراً.

الرسائل المتعلقة بطلبك (تأكيد، شحن، توصيل) مو تسويقية — راح توصلك بكل الأحوال.

شركة التوصيل: اسمك ورقمك وعنوانك، حتى يوصلك الطلب.

مزوّد الدفع (زين كاش): مبلغ الطلب ورقم مرجعي. ما نرسل بياناتك الشخصية.

منصة GINI: إذا اشتريت من متجرنا على GINI، بياناتك تخضع لسياسة الخصوصية مالتهم.

ما نبيع بياناتك لأي جهة.

مزوّدو خدمة الرسائل: إذا وافقت على الرسائل التسويقية، رقمك يمر عبر مزوّد الرسائل النصية أو واتساب (Meta) لإيصال الرسالة.

تقدر تسحب موافقتك بأي وقت من صفحة حسابك، ويتوقف الإرسال فوراً. وإذا ما تقدر تدخل حسابك، تواصل وينا ونوقفها لك.

سجلات الطلبات والدفعات نحتفظ بيها كسجل مالي حتى بعد إغلاق حسابك.

ما يوجد زر لحذف الحساب من الموقع حالياً. إذا تريد حذف بياناتك، تواصل وينا وراح نحذف ما نقدر نحذفه — مع الإبقاء على السجلات المالية المطلوبة للمحاسبة.

تقدر بأي وقت توقف الرسائل التسويقية من حسابك بدون ما تحذف أي شي.

كلمات المرور مشفّرة بخوارزمية Argon2id ولا يمكن استرجاعها.

الاتصال بالموقع مشفّر، وجلسات الدخول محمية من الوصول عبر جافاسكربت.

نسجّل العمليات الحساسة (الدخول، تغيير كلمة المرور، الطلبات) لكشف أي نشاط غير طبيعي.

ما في نظام آمن ١٠٠٪. إذا صار خرق يمسّ بياناتك، راح نبلّغك.